之前曾经比好多人问过，亦都问过好多人：广州到底有乜好玩？

结果答案都系几乎一样感就系：广州啊，好似无乜好玩喔.......

作为一个广州人，生于斯，亦准备死于斯的广州人。竟然连三两个地方都UP唔出黎？于是我就觉得非常的惭愧，于是亦开始尝试点样去了解呢个我所热爱的城市。

另外都同啊水手兄讲左好耐出去玩下外拍，仲话可以借台单反黎耍下，于是就开始左呢次的旅程

开始游记报道

一日之计在于晨，一个早晨最重要的系乜？当然就系一个丰盛的早餐喇......

于是就黎到左呢个文德路的刘添记面档吃左个传统的广州云吞面喇，浓香的汤低，啖啖都系肉而且夹杂著淡淡的菇香的云吞(比起D乜沙县云吞实在好吃太多喇.....)，更加重要的系果份浓浓的广州味，成就左呢碗非常好吃的云吞面！

 
之后就坐呢个33路车一路向南到达呢个瀛洲生态公园会合水手兄同尊夫人，正式开始活动！

第一站就系呢个小洲村，只从陈SIR高呼过之后，呢到就成为左广州古村落的代表，亦成为左摄影发烧友的聚散地

初进小洲村，小桥、流水、大榕树，典型的广州本土风貌

 
穿梭于村中，感觉呢到最大的特色就在于成个村落同河的小支流有机感结合系埋一齐。屋的旁边就系水，水旁边就系屋的感觉。系到就能充分领略到岭南水乡特色。

 
简氏宗祠，非常传统的祠堂一个，好多翻新的痕迹，依家呢个地方就发展成为左呢个艺术画廊，供展览之用。睇到呢个感传统的祠堂布局，就令我霖翻起自己打滚左六年的27中，突然非常有翻去游览下的冲动

 
不得不提的就系呢个祠堂非常有岭南特色的浮雕

 
另外一个非常有特色的就系呢个蚝屋，全屋的外墙都系用呢个耗壳+泥土筑成，听讲就冬暖夏凉，不过无入过去就唔知道到实际效果喇.....不过作为呢个岭南非常有特色的建筑之一，点都唔可以放过喇！

蚝屋前的本人

偷拍水手兄两口子

呢次小洲之行令自己感觉最深的就系人怕出名猪怕肥，只从小洲村变得出名开始，由于非常接近大学城的关系，呢到就变成左呢个一个战场，一个文化的战场，古老的文化不停感受到新潮的文化的冲击。漫游于小洲村，你系可以不停感睇好多的艺术茶庄、创意工作室、画室、甚至酒吧......就连个祠堂都系定期租比D艺术家做展览的，古老淳朴的村落加入左呢D潮流元素之后，至少我就觉得不伦不类喇

 

过多的艺术元素

准备离开小洲的时候，有个小女孩的表情非常的搞笑，分享之

 

有怪蜀黍喔.....

小洲部分完结，开始进入黄埔古港部分

从呢个小洲村坐车到琶洲会展中心之后再转车到黄埔古港，大约45分钟的车程。

由于已经到左呢个中午一点，肚子大晒鼓既我地就即刻扑过去呢个广州最富盛名的猫记艇仔粥到喇

 
系呢到吃也非常之有特色，首先呢到系呢个自助式感拿也吃既，除左买单，无会服务你，乜都系自己黎。想吃D乜就自己去拿，既叫既整，保证新鲜，而且系你亲眼睇住距整出黎，卫生相当有保证，最后亦都系最重点的就系距D材料真系超、超、超级新鲜，对于我呢个对食材非常敏感的人黎讲，吃到感鲜甜的简直就系享受啊！

透明化的制作过程

 

食物全家福&各个特写

不亏为广州最富盛名的艇仔粥，果阵值得强烈推荐！

之后就游览下呢个黄埔古港喇，之前由于哥德堡号以及粤海第一关纪念馆等等的事件以及推广之后，呢到已经成为左呢个周末游玩的好去处喇，系个市集到可以睇到好多农民伯伯或者婆婆系到兜售各种的水果，土产，以及狗！？

热闹的市集

可爱的小狗狗

之后我地就去参观左呢个粤海第一关纪念馆，知道入面就系一堆历史资料的时候就无左呢个参观的热情，系外面影左D相作为留念就好。

 
本人的一个特写

跟住的就系呢个黄埔古港遗址，依家果到就系一个亲水码头再加块碑而已，不过睇到感多人系到休憩，就知道呢个系好地方喇。

个碑

亲水码头游玩的人们&小狗

以前呢到仲可以坐人撑的小艇既，不过依家游玩的人多左，就换成左呢种机动的船，感觉有失去左乜感。

 

新旧的对比(旧船的图为网络图片)

唔知唔觉又到3点3，TEA TIME~~黄埔古港另外一个非常出名的就也就系呢个奶类甜品，我地当然唔会放过！

稳左间也叫左个双皮奶同姜撞奶，双皮奶一如既往的有D过甜，不过姜撞奶就真系唔错，而且仲会现场撞比你睇，一分钟即吃。唔太甜，唔太辣，值得推荐啊~~

 

制作过程全接触

随着呢个TEA TIME的结束，我地就向呢个下一站：黄埔军校出发，途中仲经过我间大专的西校区，留翻张相留念先

 

半路上的莲花

 

环境还算不错的西校区的照片

开始报道最后一站：黄埔军校

过去黄埔军校系要坐船的，霖翻起都唔记得左有几耐无坐过喇.......听著吵杂的引擎声，吹著江风，体会不一样的出行乐趣。

江景

10分钟左右就到左呢个黄埔军校喇，依稀记得小学的时候曾经黎过，不过感觉上一切都已经变得好陌生，睇黎真系有呢个重游的必要喇

军校牌匾

"革命尚未成功，同志仍需努力"D感革命的字眼就同呢个正门相迎成趣.....

大门已经两边的墙的连图

努力的我&与水手兄的合影

入面有几个展厅，讲埋晒D革命历史，对于我地呢D黎影相的人黎讲光线太差，所以就匆匆而过喇~~~

不过讲真的就系呢个地方的建筑好简单朴素，有一种务实的历史沧桑感，我喜欢

建筑风格

风尘的历史

本来想去游览呢个炮台遗址的，不过可惜时间问题就唯有打道回府喇。

最后就去左水手兄屋企附近的地方吃牛杂同麻辣烫，入味的牛杂同蒜香浓郁的麻烦烫，系呢个横街窄巷的小店入面，体会不一样的美味~

 

昏暗灯光下的美味

非常充实的一日，我坚信只要有心，继续努力去发掘广州，广州肯定会带比我地更多的惊喜的！